स्वर्गिय बा लाई चिठी

बा, सन्चै छौ ?
खै के लेखौं र खबर यताको
उस्तै छ !दलाल घुसखोरी आडम्बरीको
अत्याचार उस्तै छ समाजमा
अलिअलि नैतिकता हुनेहरु उस्तै पिडित छन् समाजमा
जस्तो तिमी भएथ्यौ ।

कुनैदिन तिम्रो सर्टिफिकेट चोर्नेहरु
नेता भएकाछन्
बारिका कांका्र चोर्नेहरु
सुरक्षाकर्मी भएका छन्
बलात्कारीहरु साधु भएका छन्
दलाल समाजसेवी भएका छन्

फटाहाहरुको राज उस्तै छ समाजमा
सज्जनहरु उस्तै निरिह छन्
खै के लेखौं खबर यताको ? गाउँको अध्यांरोमा टुकी बालेका थियौ तिमीले
सहन नसकी उज्यालो कसैले निभाईदिएको थियो
उहि आज विकासे ठेकेदार भएको छ
कामचोरहरु राष्ट्रसेवक छन्
अल्छिहरु योजनाकार भएका छन्
विद्धान्हरुको उस्तै नियती छ समाजमा
खै के लेखौं र खबर ?

सत्यता यहाँ पागलपन हुन्छ
सरलता आडम्बर हुन्छ
सज्जन असभ्य हुन्छ
हो यस्तै जिवन जिउँदै छु
जस्तो तिमीले बाचेंका थियौ ।

बा,
तिमीले रोपेको विउ हुर्काउन सकिन भने
तिमीले देखेको सपना व्युझांउन सकिन भने
माग गर
गर्दा गर्दा तिम्रो छोरोले सकेन
बाकीं जिम्मा तिम्रा नाति नातिनालाई छोडेर
तिमीलाई दुखेसो पोख्न आउँला कुनैदिन ।