Posted by: truelines | August 30, 2010
जब आफु नजिक कसैको मृत्यु हुन्छ
जब आफु नजिक कसैको मृत्यु हुन्छ
म सोच्छु
उनले मुक्ति पाए
मैले पिडा…
उनले शान्ति पाए
मैले दुःख ।
उनि कतै हराए
यो मुक्त आकाशमा
र नाचिरहनेछन
मेरो आखाँमा
सधैं हासँर ।
म वृद्ध हुनेछु
कुरुप हुनेछु
तर उनि सधैं उहि र उस्तै
नाचिरहनेछन
मेरो स्मृतिको
न्यानो चौतारीमा ।
हो, जो विते उनिहरु भाग्यमानी
हामी अभागी तड्पिरहेछौं
उनिहरुकै तृष्णामा
यो लामो यात्रा हो
उनि छिटै पुगेछन् आफ्नो गन्तव्यमा
आखिर भोली हामी पनि पुग्नै पर्छ ।
जब आफु नजिक कसैको मृत्यु हुन्छ
म सोच्छु
उनि विते र उनका सारा सपनाहरु
मेरै काँधमा थामेर गए
उनि विते र देखाएर गए
हाम्रो अन्तिम बाटो ।
सोच्छु यो भागदौडको जिन्दगीमा
उनि कतै फुत्केर गए
आखिर जहाँ गए पिन
कुनै दिन भेट्नेछु उनिलाई
कतै कतै कतै……। यो शुन्यतामा
त्यत्तिन्जेल सम्मको लागी
-अलविदा -
Like this:
Be the first to like this post.
Recent Comments